جدول تجميل المراة

” جدول تجميل المراة ”
طبعا كلنا مستغربين من كلمة جدول ومش فاهمين يعني ايه نعمل جدول تجميل المراة , الامر سهل اوي بس في الاول لازم نعرف ان كل امراة في الدنيا تريد ان تكون جميلة وشيك ونظيفة وانيقة ومافيش حد زيها وده مش عيب بالعكس لازم المراة تكون جميلة وانيقة ونظيفة لنفسها ولزوجها.
وطبعا احنا عارفين ان المراة مش زي الرجل يعني المراة بتحتاج تنظف نفسها اكثر يعني مثلا ازالة الشعر من الجسم او النظافة الشخصية الخاصة.
بس ازاي المراة العاملة تعمل جدول تجميل ليها الموضوع سهل جدا وبسيط بس عاوز تنظيم فقط يعني مثلا هاتعملي جدول للنظافة .
يعني ايه جدول للنظافة
يعني مثلا هانعمل جدول شهري او اسبوعي زي ما تحبي او ممكن جدول يومي وده هايبقي ازاي .
-يجب علي المراة ان تغسل اسنانها علي الاقل مرتين يوميا وده بيكون قبل ما تنام واول ما تصحي من النوم ودي اول حاجة .
-يجب علي المراة ان تغسل المنطقة التناسلية بالماء الدافي علي الاقل مرتين يوميا ومن الافضل ان يكون بعد كل تبول ويمكن ان نستخدم الغسول الخاص بهذه المنطقة ولكن لا يفضل ان يغسل به كل يوم يعني ممكن ثلاث مرات في الاسبوع .
-يجب علي المراة الاستحمام يوميا ويفضل غسل الشعر ثلاث مرات فقط في الاسبوع يعني مش لازم في وقت الاستحمام نغسل شعرنا ممكن نلبس بونيه .
-يجب علي المراة ان تضع مزيل العرق يوميا او حتي كل يومين علي حسب النوع المستخدم .
-يجب ان تزيل الشعر الزائد من الجسم كل 15 يوم ويزال من المناطق الحساسة كل 10 ايام وده بيكون بواسطة ” السويت ” لان نتائجه حلوة جدا واهم حاجة فيه انه بيزيل الجلد الميت الجاف ويجعل البشرة بيضاء وناعمة وجميلة ويفضل استخدام ماكينة ازالة الشعر بع استخدام السويت وده بيكون افضل علشان مايبقاش في اي شعر قصير .
-يجب علي المراة ان تنظف اظافرها كل يوم وتقصها كل 15 يوم .
-يجب وضع الكريمات المرطبة علي البشرة كل يوم قبل النوم .
– يجب قص الشعر كل 45 يوم ودة بيكون مفيد جدا للشعر.
دي بعض الحاجات البسيطة التي تجعل المراة نظيفة وجميلة .
المصدر : http://www.om-hassan.com/%D8%AC%D8%AF%D9%88%D9%84-%D8%AA%D8%AC%D9%85%D9%8A%D9%84-%D8%A7%D9%84%D9%85%D8%B1%D8%A7%D8%A9/