طريقة رهيبة لتنعيم الشعر

دي طريقة مجربة من الكثير من البنات وبجد نتائجها رهيبة جدا وداعا لفرد وتنعيم الشعر عند الكوافير او استخدام المواد الكميائية في تنعيم وفرد الشعر .
طبعا كلنا عارفين ان دلوقتي في طرق كتيرة اوي لفرد الشعر يعني مثلا عن طريق الكرياتين او البروتين او البوتوكس وغيره ولكن كل هذه الطرق تحتوي علي مواد كيماوية تتلف الشعر وتجعله يتساقط ومتقصف يعني بعد ما تعملي فرد الكرياتين او غيره يكون شعرك حلو وجميل وناعم ومفرود ولكن لفترة صغيرة جدا يعني من 6 اشهر الي سنة وبعدها بتلاقي شعرك متقصف ومتساقط وجاف .
ملحوظة ” فرد الشعر في الكوفيرات الغير مضمونة تحتوي علي مواد كيميائية تتلف الشعر انما المراكز الطبية تكون فيها محتويات ومكونات الكرياتين طبيعة الي حد ما بس يعتبر احسن كتير اوي من الكوافير”
انما الطرق الطبيعية تجعل شعرك صحي وجميل وقوي .
المكونات :
-2 ملعقة كبيرة ارز ابيض .
-لتر ماء .
بس كده دي كل المكونات سهلة وبسيطة وغير مكلفة
طريقة العمل :
– ناتي باناء ونضع فيه لتر من الماء وملعقتن من الارز ووضعهم علي النار لمدة 30 دقيقة .
-ثم بعد ذلك نصفي الماء ونتركه ليبرد او يكون فاتر .
-نغسل شعرنا عادي جدا بالماء فقط ثم نجففه ثم نغسله مره اخري بالماء المصفي من الارز ويترك علي الشعر لمدة 20 دقيقة ثم نغسل الشعر مرة اخري بماء فاتر وبالشامبو ويجفف ويصفف عادي جدا وستلاحظين الفرق من اول مرة .
-كرري العملية مرتين في الاسبوع للحصول علي افضل نتائج وشعرك يكون دائما ناعم مثل الحرير وقوي ولامع .
( فائدة الارز للشعر كبيرة جدا لان الرز يحتوي علي كمية كبيرة من النشا وتعتبر النشا من افضل الاشياء التي تفرد الشعر وتنعمه وتجعله كالحرير).
المصدر : http://www.om-hassan.com/%D8%B7%D8%B1%D9%8A%D9%82%D8%A9-%D8%B1%D9%87%D9%8A%D8%A8%D8%A9-%D9%84%D8%AA%D9%86%D8%B9%D9%8A%D9%85-%D8%A7%D9%84%D8%B4%D8%B9%D8%B1/